Macasieb’s Theory

Habang naglalakad ako sa bukirin ng Bulacan, nanakit ang aking kasu-kasuan at likod. Hanep kasi ang aking backpack (BAGPACK ang tawag ng aking tanging ina sa backpack at ang prof ko naman ay DORA BAG), mas malaki at mas mabigat pa sakin..para bang may hunyangong humahatak sakin pababa..di ko mawari ko kung may nasa bag ko ba si Ricka sa bigat o ano?

Bigla ko tuloy naimagine ang sarili ko. Muka na siguro akong tanga sa mga panahon iyon. Napakasakit na nga ng likod ko kung ano-ano pa ang naiisip ko.

Bigla ko tuloy naalala sa aking mumunting isipan, ang mga cute na cute na mga kinder na may dala dalang mga bagpack na ams malaki pa sa kanila..sus maria! Parang pagong na dala dala lagi ang bahay. Usong uso pa ang Barbie at Dora na bag. Pero pag nagkaisip isip na ang mga bulilit, magpapabili na sila ng di-gulong na bag, nakupo! Nadisgrasya si nanay, nakita pa kasi sa kaklase at naiinggit. Natatandaan ko pang ang unang unang di-gulong na bag ko, may tatak pa nga yung “Makati City” kahit hindi ko naman ako taga-Makati. Bigay lang sakin yun ng lolo ko pero hindi naman siya taga-Makati…san niya nakuha yun??isa yang misteryo na baka hanggang mamatay ako ay hindi ko na malaman…

Sa mga high school students din naman may nakikita rin akong may very very very big bagpacks…Yung tipong parang sinilid ang mga syota nila sa loob. At plus may file case pa ah…san ka magpupunta??maghihiking? o aakyat ng Mt. Everest.

Di ba nila nararamdamang ang sakit sa likod. Pwede pa silang magkascoliosis sa kakaback pack. Ito namang sila nanay, backpack pa ang binibili para kasya lahat. Kasya nga lahat pati kayo kasya. Parang pinapadala ang buong mundo sa mga anak nila. Kaya pag ako nagka-anak (sana di ako baog, Lord, please?), ibibili ko siya ng di-gulong na may tatak na Makati din..hahah.. pero pag nagdi-gulong syempre papabuhat ko sa iba pag nasa hagdan kasi baka di sya lumaki (tulad ko)

Isa ko sa mga biktima ng nababansot sa backpack. Syet. Masakit man aminin. Ito ang katotohanan. Ito ang theory ko kung bakit ako ganito. Bow!