Bitter ako

Ang pagmamahal ay parang pagbabayad ng pamasahe sa jeep at pagkatapos ay kalahati lang ng pwet mo ang makakaupo.

Minsan ka na nga lang maiinlove, syet, palpak pa. Nag 100 poryentong lakas ka parang si Taguro tapos hanep, pagpapalit ka pa (o, sige, hindi pinagpalit, nakikipagflirt na lang pala sa iba...much better?)

Siya ang puno't dulo ng blog na ito pati na rin ang pagiging bitter ko.

Inis ako sa kanya pero patuloy pa rin ako sa paggawa ng mga blog na tungkol sa mongoloid na yun. Inis ako sa kanya pero naiisip ko pa rin ang unggoy na yun.

Bat ba kasi ganon? Unfair. Talo ako. Kelan nga ba ko nanalo? Ayon sa sarili ko, nagbigay ako ng 100 porsyento ng lakas at siya naman nga 70 porsyento at yung natitirang 30 porsyento ay sa punyetang babaeng yun (sorry sa word, nageexpress lang ng galit)Hindi ba pedeng sakin na lang din yung 30% na yun?

Hoy! Hindi ka karapat dapat pagaksayahan ng panahon! Pero bakit sumusulat ako ngayon ng tungkol sayo sa kalagitnaan ng gabi (ay, umaga na pala)? Sasabog ako sa inis, panghihinayang, at pagkamiss sayo pag hindi ko nailabas to. Malakas ang loob kong isulat to dahil alam kong hindi mo babasahin ni isa sa mga nasulat kong blog dahil tamad kang magbasa.

Feeling ko wala akong kwenta. Naawa ko sa sarili ko. Ang hina ko. Nagpapatalo sayo.

Nang maghiwalay tayo, mga nasa outer space ang galit ko sayo pero ngayon nasa stratosphere na lang siguro. Bakit nga ba galit ako sayo? Aba, syet, hindi mo alam? Eh hindi ka lang naman naging loyal sakin???!!! sapakan na! Nakikita mo yang slash sa noo mo? Paulit ulit ko yang ipupukol sa edge ng pader niyo hanggang sa magdugo! Sana kaya kong gawin...dahil hanggang ngayon may parte pa rin ng AKO na umaasa na maging TAYO pa ulit.

Alam niya ang password ko sa FB at ako naman si tanga hindi pinapalitan. Binubuksan niya pa rin ang account ko, nahuli ko siya. Ibig sabihin kaya nun concern pa rin siya sakin? Gusto kong umasa. Malamang nakita na niya ang mga kalokohan ko sa FB. Meron ding bahagi ng AKO na gustong gumanti SAYO.

Natatakot akong iview ang profile niya dahil baka may makita akong ikasasakit ko lang.

Oo nga pala. Alam ko din password niya noon sa FB ah. Nalimutan ko kung ano password niya! syet. makakalimutin ako. Pinalitan niya na ata noon tapos hindi ko na natanong kung ano. Kung ano man yun, wala na kong interes malaman.

Meron ngang time na nawalan ako ng inspiration sa paggawa ng blog...siguro dahil sa kanya. Ngayon nakita ko may post siya na wala daw siyang inspiration sa pageedit ng pic (kaartehan niya)..I hope pareho lang ang dahilan namin pero mukhang hindi...impossible.

Ngayon, masasabi niyo pa bang bitter ako?

Ang pagmamahal ay parang pagbabayad ng pamasahe sa jeep at pagkatapos ay kalahati lang ng pwet mo ang makakaupo pero darating din na makakaupo ka rin ng matino at kung hindi naman, malas mo na lang c: