Red = Brown

Nagpacellophane ako sa parlor. Sabi ko sa bakla, brown yung kulay. Nung inaaplyan na nila yung buhok ko ng mga cream or kung ano man yung ek ek na yyun, nagtataka ko kung bakit parang pula or pink yung cream ek ek na yun. So kiber lang, kasi baka ganun talaga, pag natuyo, brown siguro yun. Mga isang oras akong walang ginagawa kundi isipin kung bakit pula ang inapply na cream sakin. Pucha. Isang oras akong nagwowonder sa harap ng salamin. Hay naku. Tapos ayan na binanlawan na yung buhok ko tapos binlower. Sa wakas, malalaman ko na ang kasagutan sa tanong ko. Nang makita kong unti unting natutuyo ang buhok ko, parang kulay red? Kiber lang ulit, siguro namamalik mata lang ako. Eh pucha. Nung natuyo na yung buhok ko, hindi ako namamalik mata! Red talaga! Pucha. Ang sabi ko brown ah. Hindi na ko nagreklamo kay bakla na ”dang” ang tawag sakin kasi hindi naman masyadong red na nagaapoy yung nilagay niya (woo! Buti naman kundi magtratransform ako bilang Goku at ikakame kame wave ko siya). Dang ang tawag niya sakin as in Badang. Pucha. Ano namang salita yun? Nababaliw na talaga tong bakla na to.

Pag uwi ko ng bahay, gabi na kaya hindi ko na nakita masyado ang buhok ko (pag naarawan lang kasi nakikita yung kulay). Tapos paggising ko, nanlaki ang mata ko pagharap ko sa salamin, naggusot ako ng mata, at kinurot kurot ang pisngi ko, syet, nanaginip ba ko? Red talaga ang buhok ko!!! Red na red parang palong ng manok, parang apoy ang ulo ko! Pucha. Tirik na tirik kasi ang araw ng magising ako kaya kitang kita kulay ng buhok ko. Pusang bakla yun. Dahil sayo, hindi ko na gugustuhing magpaaraw kundi malalaman ng taong ang tunay na pagkatao ko, isang akong vampire at pag naarawan ay maggliglitter ang skin ko, ay hindi pala, isa akong tandang na may pula at galit na galit na payong kaya don’t mess with me, ok? Ok sana kung kasing ganda ko si Hayley eh..kaso hindi eh..tae pero buti sa pic hindi naman kita yung pagkared…hay!

Hoy, Dang, bakit red ang kulay ng buhok ko? Sabi ko brown diba?

Therefore, I conclude, ang kulay ng buhok ko ay brown (kahit na red) at red = brown.