Ang isa kadorm ko ay nagtatrabaho na. Madalas ko siyang nakikitang nagcocomputer at mukhang ginagawa niya hanggang sa bahay ang trabaho niya dahil mukhang seryosong seryoso siya. Halos hindi na rin siya kumakain o umiihi man lang. Talagang nakaupo lang siya sa harap ng laptop niya. Nahihiya tuloy ako dahil ako walang ibang ginawa kundi magFB. Hanga talaga ko sa kanya dahil kahit mga alas-2 na ay nagtratrabaho pa din siya sa laptop niya. Hindi niya maiwan iwan ang trabaho. Busy siya lagi parang tinambakan siya ng boss niya ng trabaho.
Ayokong maging kasing busy niya pag nagkatrabaho na ko. Grabe. Parang umaga siya tulog tapos gabi gising. Aswang ka, te?
Minsan pa nakikita ko siyang stress na stress at init na init kahit bukas naman ang air-con. Tapos kumain muna siya sa may kusina tapos napadaan ako sa may lamesa niya, nakita ko, nagdodota lang pala siya. Punyeta kala ko pa naman may ginagawa siyang produktibo. Pareho lang pala kami. Pusang gala. Akala ko pa naman huwaran ka. Sus maryosep! Seryosong seryoso ka pa. Nag-fifirst blood ka lang pala. Syet. Hindi kita maistoistorbo, naglalaro ka lang pala. Anak ng pating! Pagkatapos nung natuklasan ko, dalawa na kaming nagfifirst blood c:
No comments:
Post a Comment